United States

Ամերիկայի Միացյալ Նահանգներ

National Park Service - Public domain U.S. National Park Service - Public domain Lucas·G - CC BY-SA 4.0 a4gpa auf flickr.com - CC BY-SA 2.0 Jeremy Keith from Brighton & Hove, United Kingdom - CC BY 2.0 John Fowler - CC BY 2.0 m01229 from USA - CC BY-SA 2.0 Daniel Schwen - CC BY-SA 2.5 Bureau of Land Management - Public domain Elena.laps - CC BY-SA 4.0 Daniel Schwen - CC BY-SA 4.0 Greg Willis from Denver, CO, usa - CC BY-SA 2.0 Bureau of Land Management - Public domain Hpolaris - CC BY-SA 4.0 User:Nepenthes - CC BY-SA 3.0 sanil - CC0 MasterDoggo - CC BY-SA 4.0 Richie Diesterheft from Chicago, IL, USA - CC BY 2.0 Dave Bunnell - CC BY-SA 4.0 raduranga - CC BY-SA 4.0 Clementp.fr - CC BY-SA 4.0 Ray Redstone - CC BY-SA 4.0 Neil Ward - CC BY 2.0 Kimson Doan yaykimmyd - CC0 G. Thomas at English Wikipedia - Public domain Andy Morffew from Itchen Abbas, Hampshire, UK - CC BY 2.0 Photographersnature - CC BY-SA 3.0 Carol M. Highsmith - Public domain Shalom - CC BY-SA 3.0 Moyan Brenn from Italy - CC BY 2.0 National Park Service (United States) - Public domain Chris Rand - CC BY-SA 4.0 Summum - CC BY-SA 2.5 Bureau of Land Management - Public domain Jim.henderson - CC0 Frank Kovalchek - CC BY 2.0 Marshallhenrie - CC BY-SA 4.0 G. Thomas (talk) - Public domain AhwatukeeBauer - CC BY-SA 3.0 Swampyank at en.wikipedia - CC BY-SA 3.0 Bureau of Land Management - Public domain Jeff P from Berkeley, CA, USA - CC BY 2.0 Alek Leckszas - CC BY-SA 4.0 Steve Jurvetson from Los Altos, USA - CC BY 2.0 Bob Palin - CC BY-SA 2.5 MatthewUND - CC BY-SA 3.0 Jeremy C. Munns - Public domain DougW at English Wikipedia - Public domain Westxtk - CC BY-SA 4.0 Kimon Berlin, user:Gribeco - CC BY 2.5 Mcneda - CC BY-SA 4.0 Bob Wick; Bureau of Land Management - Public domain No images

Context of Ամերիկայի Միացյալ Նահանգներ

Ամերիկայի Միացյալ Նահանգներ, հաճախ անվանվում է Միացյալ Նահանգներ, կամ պարզապես Ամերիկա (անգլ.՝ United States of America), դաշնային սահմանադրական հանրապետություն Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից, որոնք իրականում կիսանկախ պետություններ են (ինչը արտահայտված է նրանց պաշտոնական անունների մեջ․ օրինակ՝ Կալիֆոռնիան կոչվում է Կալիֆոռնիա Հանրապետություն և դա այժմ էլ գրված է նրա դրոշի վրա), և դաշնային նշանակության Կոլումբիա շրջանից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ինչպես նաև՝ ծովային սահման ունի Ռուսաստանի հետ։ Ամերիկյան երկու նահանգներ ցամաքային սահման չունեն երկրի հիմնական տարածքի հետ։ Դրանք են՝ Ալյասկան՝ Հյուսիսային Ամերիկայի հյուսիսարևմտյան հատվածում, և Հավայան կղզիները՝ Խաղաղ օվկիանոսում։

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամե...Կարդալ ավելին

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամերիկայի ազգային-ազատագրական պայքարում տոնած հաղթանակի գլխավոր հետևանքներից մեկը։ 1787 թվականին ընդունվեց ամերիկյան սահմանադրությունը, որն իր տեսակով առաջինն էր մարդկության պատմության մեջ։ Նույն տարում ԱՄՆ-ի առաջին նախագահ ընտրվեց ազատագրական շարժման ականավոր գործիչ Ջորջ Վաշինգտոնը։ 1865 թվականի դեկտեմբերի 18-ին Ամերիկայում վերացվեց ստրկությունը։ Առաջին համաշխարհային պատերազմի ավարտից հետո Ամերիկայի Միացյալ Նահանգները սկսեց անդամակցել Ազգերի լիգային և Միջազգային արդարադատության մշտական պալատին։ Երկրորդ համաշխարհային պատերազմի տարիներին հակահիտլերյան խմբավորմանն օժանդակելը բարձրացրեց ԱՄՆ-ի հեղինակությունը Եվրոպայում, իսկ ռազմական գործողությունների ավարտից հետո վերջինս դարձավ կապիտալիստական աշխարհի կորիզը։ 1945 թվականին ԱՄՆ-ն դարձավ առաջին միջուկային տերությունն աշխարհում։

Ամերիկայի Միացյալ Նահանգները ներկայումս զբաղեցնում է 9,826,675 կմ² տարածք (4-րդն աշխարհում) և ունի 322 370 752 մարդ (ըստ 2015 թվականի նախահաշվարկի) բնակչություն (3-րդն աշխարհում)։ Լայնամասշտաբ ներգաղթի պատճառով՝ այն աշխարհի ամենաբազմազգ պետություններից մեկն է։ Մայրաքաղաքը Վաշինգտոնն է՝ խոշորագույն քաղաքը՝ Նյու Յորքը։ Նյու Յորքից բացի, երկրի տարածքում կան 9 քաղաքներ ևս, որոնց բնակչությունը գերազանցում է մեկ միլիոնը։ Դրանք են Լոս Անջելեսը, Չիկագոն, Հյուստոնը, Ֆինիքսը, Ֆիլադելֆիան, Սան Անտոնիոն, Սան Դիեգոն, Դալասը և Սան Խոսեն։ Պետական լեզուն անգլերենն է, որն այստեղ տարածվել է գաղութային տարիներին։

Միացյալ Նահանգները ժամանակակից աշխարհի տնտեսական, քաղաքական և ռազմական ամենահզոր ուժն է։ Համախառն Ներքին Արդյունքի գրեթե 1/4 մասը ստեղծվում է ԱՄՆ-ում։ Արդյունաբերության և գյուղատնտեսության արտադրանքի ծավալով և արտահանմամբ, արտաքին առևտրի շրջանառության ծավալով, կապիտալի արտահանմամբ, գիտատեխնիկական ներուժով և սպասարկման ոլորտի զարգացման մակարդակով աշխարհի առաջատար տերությունն է։ Ամերիկայի Միացյալ Նահանգների տնտեսությանը բնորոշ է արտադրության և կապիտալի համակենտրոնացման բարձր աստիճանը։ Աշխարհի բոլոր երկրներից առաջինը հետարդյունաբերական փուլ թևակոխած այս երկրում ծառայություններ մատուցող ճյուղերի բաժինը համախառն ներքին արդյունքում կազմում է մոտ 80 %, իսկ արտադրական ոլորտին բաժին է ընկնում ընդամենը 20 %։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։