United States

Ամերիկայի Միացյալ Նահանգներ

Bob Palin - CC BY-SA 2.5 Richie Diesterheft from Chicago, IL, USA - CC BY 2.0 Daniel Schwen - CC BY-SA 4.0 Ajay Suresh from New York, NY, USA - CC BY 2.0 rachel_thecat - CC BY-SA 2.0 Swampyank at en.wikipedia - CC BY-SA 3.0 Frank Schulenburg - CC BY-SA 4.0 Gedstrom - CC BY 3.0 Ybratcher - CC BY-SA 4.0 David James Henry - CC BY-SA 4.0 Jesseg8r - CC BY-SA 4.0 Ray Dumas from Warren, USA - CC BY-SA 2.0 Rauglothgor - CC BY-SA 4.0 Mcneda - CC BY-SA 4.0 Tristan Denyer20:57, 21 December 2005 - CC BY-SA 3.0 sanil - CC0 Bob Wick; Bureau of Land Management - Public domain Molliewobbles - CC BY-SA 4.0 Swampyank at en.wikipedia - CC BY-SA 3.0 Westxtk - CC BY-SA 4.0 Anthony DeLorenzo from Whitehorse, Yukon, Canada - CC BY-SA 2.0 a4gpa auf flickr.com - CC BY-SA 2.0 Andreas Bohnenstengel - CC BY 3.0 de Monster4711 - CC BY-SA 3.0 Jeremybrooks - CC BY-SA 3.0 MichaelDPhotos - CC BY-SA 4.0 Miguel Vieira - CC BY 2.0 Frank Kovalchek - CC BY 2.0 Jeff Kern - CC BY 2.0 Mjmalone54 - CC BY-SA 4.0 Caroline Culler (User:Wgreaves) - CC BY-SA 4.0 Tomas Castelazo - CC BY-SA 3.0 Rauglothgor - CC BY-SA 4.0 Shalom - CC BY-SA 3.0 Lee Siebert, Smithsonian Institution - Public domain Summum - CC BY-SA 2.5 Carol M. Highsmith - Public domain Kleinhern - CC BY-SA 4.0 Patrick Gillespie - CC BY 2.0 Kidderdan - CC BY-SA 4.0 NormanB - CC BY-SA 3.0 Dave Bunnell - CC BY-SA 4.0 Dave Bunnell - CC BY-SA 4.0 Dicklyon - CC BY-SA 4.0 Jsfouche - CC BY-SA 3.0 Pretzelpaws at English Wikipedia - CC BY-SA 3.0 Hpolaris - CC BY-SA 4.0 Isidoro - CC BY-SA 4.0 G. Thomas at English Wikipedia - Public domain The original uploader was Mav at English Wikipedia. - CC BY-SA 3.0 Laban712 on en - Public domain Gary - CC BY-SA 2.0 a4gpa auf flickr.com - CC BY-SA 2.0 Binksternet - CC BY-SA 3.0 Michael Grindstaff - CC BY-SA 3.0 DougW at English Wikipedia - Public domain G. Thomas at English Wikipedia - Public domain Marshallhenrie - CC BY-SA 4.0 Cacophony - CC BY-SA 3.0 No images

Context of Ամերիկայի Միացյալ Նահանգներ

Ամերիկայի Միացյալ Նահանգներ, հաճախ անվանվում է Միացյալ Նահանգներ, կամ պարզապես Ամերիկա (անգլ.՝ United States of America), դաշնային սահմանադրական հանրապետություն Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից, որոնք իրականում կիսանկախ պետություններ են (ինչը արտահայտված է նրանց պաշտոնական անունների մեջ․ օրինակ՝ Կալիֆոռնիան կոչվում է Կալիֆոռնիա Հանրապետություն և դա այժմ էլ գրված է նրա դրոշի վրա), և դաշնային նշանակության Կոլումբիա շրջանից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ինչպես նաև՝ ծովային սահման ունի Ռուսաստանի հետ։ Ամերիկյան երկու նահանգներ ցամաքային սահման չունեն երկրի հիմնական տարածքի հետ։ Դրանք են՝ Ալյասկան՝ Հյուսիսային Ամերիկայի հյուսիսարևմտյան հատվածում, և Հավայան կղզիները՝ Խաղաղ օվկիանոսում։

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամե...Կարդալ ավելին

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամերիկայի ազգային-ազատագրական պայքարում տոնած հաղթանակի գլխավոր հետևանքներից մեկը։ 1787 թվականին ընդունվեց ամերիկյան սահմանադրությունը, որն իր տեսակով առաջինն էր մարդկության պատմության մեջ։ Նույն տարում ԱՄՆ-ի առաջին նախագահ ընտրվեց ազատագրական շարժման ականավոր գործիչ Ջորջ Վաշինգտոնը։ 1865 թվականի դեկտեմբերի 18-ին Ամերիկայում վերացվեց ստրկությունը։ Առաջին համաշխարհային պատերազմի ավարտից հետո Ամերիկայի Միացյալ Նահանգները սկսեց անդամակցել Ազգերի լիգային և Միջազգային արդարադատության մշտական պալատին։ Երկրորդ համաշխարհային պատերազմի տարիներին հակահիտլերյան խմբավորմանն օժանդակելը բարձրացրեց ԱՄՆ-ի հեղինակությունը Եվրոպայում, իսկ ռազմական գործողությունների ավարտից հետո վերջինս դարձավ կապիտալիստական աշխարհի կորիզը։ 1945 թվականին ԱՄՆ-ն դարձավ առաջին միջուկային տերությունն աշխարհում։

Ամերիկայի Միացյալ Նահանգները ներկայումս զբաղեցնում է 9,826,675 կմ² տարածք (4-րդն աշխարհում) և ունի 322 370 752 մարդ (ըստ 2015 թվականի նախահաշվարկի) բնակչություն (3-րդն աշխարհում)։ Լայնամասշտաբ ներգաղթի պատճառով՝ այն աշխարհի ամենաբազմազգ պետություններից մեկն է։ Մայրաքաղաքը Վաշինգտոնն է՝ խոշորագույն քաղաքը՝ Նյու Յորքը։ Նյու Յորքից բացի, երկրի տարածքում կան 9 քաղաքներ ևս, որոնց բնակչությունը գերազանցում է մեկ միլիոնը։ Դրանք են Լոս Անջելեսը, Չիկագոն, Հյուստոնը, Ֆինիքսը, Ֆիլադելֆիան, Սան Անտոնիոն, Սան Դիեգոն, Դալասը և Սան Խոսեն։ Պետական լեզուն անգլերենն է, որն այստեղ տարածվել է գաղութային տարիներին։

Միացյալ Նահանգները ժամանակակից աշխարհի տնտեսական, քաղաքական և ռազմական ամենահզոր ուժն է։ Համախառն Ներքին Արդյունքի գրեթե 1/4 մասը ստեղծվում է ԱՄՆ-ում։ Արդյունաբերության և գյուղատնտեսության արտադրանքի ծավալով և արտահանմամբ, արտաքին առևտրի շրջանառության ծավալով, կապիտալի արտահանմամբ, գիտատեխնիկական ներուժով և սպասարկման ոլորտի զարգացման մակարդակով աշխարհի առաջատար տերությունն է։ Ամերիկայի Միացյալ Նահանգների տնտեսությանը բնորոշ է արտադրության և կապիտալի համակենտրոնացման բարձր աստիճանը։ Աշխարհի բոլոր երկրներից առաջինը հետարդյունաբերական փուլ թևակոխած այս երկրում ծառայություններ մատուցող ճյուղերի բաժինը համախառն ներքին արդյունքում կազմում է մոտ 80 %, իսկ արտադրական ոլորտին բաժին է ընկնում ընդամենը 20 %։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։