Bolivia

ბოლივია

Pedro Szekely from USA - CC BY 2.0 Olga Lidia Paredes Alcoreza - CC BY-SA 4.0 Roderick Peel - CC BY-SA 4.0 Roderick Peel - CC BY-SA 4.0 kallerna - CC BY-SA 4.0 Pavel Špindler - CC BY 3.0 Aurimaz - CC BY-SA 4.0 Jduranboger - CC BY-SA 3.0 JYB Devot - CC BY-SA 4.0 JYB Devot - CC BY-SA 4.0 kallerna - CC BY-SA 4.0 M M from Switzerland - CC BY-SA 2.0 Jorge Nicolás Bohórquez - CC BY-SA 4.0 Mhwater - Public domain Caleidoscopic - CC BY-SA 3.0 Dan Lundberg - CC BY-SA 2.0 kallerna - CC BY-SA 4.0 Aurimaz - CC BY-SA 4.0 Pavel Špindler - CC BY 3.0 Dan Lundberg - CC BY-SA 2.0 Roderick Peel - CC BY-SA 4.0 kallerna - CC BY-SA 4.0 JYB Devot - CC BY-SA 4.0 Dan Lundberg - CC BY-SA 2.0 Pavel Špindler - CC BY 3.0 Pavel Špindler - CC BY 3.0 Mayamedinaarosqueta - CC BY-SA 4.0 Carlos Adampol Galindo - CC BY-SA 2.0 Pavel Špindler - CC BY 3.0 No images

Context of ბოლივია

ბოლივია, ოფიციალურად ბოლივიის მრავალეროვანი სახელმწიფო (ესპ. Estado Plurinacional de Bolivia, კეჩ. Bulivya Mamallaqta, აიმარ. Wuliwya Suyu) — ზღვაზე გასასვლელის არმქონე სახელმწიფო სამხრეთ ამერიკაში. მდებარეობს კონტინენტის ცენტრალურ ნაწილში. ჩრდილოეთიდან და აღმოსავლეთიდან ესაზღვრება ბრაზილია, სამხრეთით — პარაგვაი და არგენტინა, სამხრეთ–დასავლეთით — ჩილე და დასავლეთით — პერუ.

ევროპულ კოლონიზაციამდე, ანდების ის რეგიონი, სადაც დღეს ბოლივია მდებარეობს, წარმოადგენდა კოლუმბამდელი ამერიკის ყველაზე დიდი სახელმწიფოს — ინკების იმპერიის ნაწილს. ეს ტერიტორია XVI საუკუნეში ესპანეთმა დაიპყრო. ესპანური კოლონიალიზმის ეპოქაში, ამ ტერიტორიას ეწოდებოდა ზემო პერუ და შედიოდა პერუს ვიცე-სამეფოს შემადგენლობაში. ქვეყანამ დამოუკიდებლობა მოიპოვა 1825 წლის 6 აგვისტოს და მას სამხრეთ ამერიკის დამოუკიდებლობისათვის მებრძოლის, სიმონ ბოლივარის პატივსაცემად ბოლივია ეწოდა. ამის შემდეგ, ბოლივიამ გამოიარა პოლიტიკური არასტაბილურობის, დიქტა...დაწვრილებით

დღეისათვის, ბოლივია საპრეზიდენტო, წარმომადგენლობითი დემოკრატიის რესპუბლიკაა. ადმინისტრაციულად იყოფა 9 დეპარტამენტად. ბოლივია განვითარებადი სახელმწიფოა, ადამიანური განვითარების ინდექსის საშუალო და სიღარიბის 53 პროცენტიანი მაჩვენებლებით. ძირითადი ეკონომიკური საქმიანობაა სოფლის მეურნეობა, მეტყევეობა, მეთევზეობა, სამთო მოპოვება და მანუფაქტურული წარმოება, ძირითადად ტექსტილის, ტანსაცმლის, დაწმენდილი მეტალებისა და ნავთობგადამუშავება. ბოლივია მდიდარია მინერალებით, განსაკუთრებით კალით. ქვეყანამ საერთაშორისო ყურადღება მიიპყრო 2010 წელს მიღებული „დედამიწის უფლებების კანონით“ — მსოფლიოში ერთ–ერთი უნიკალური კანონით, რომელიც ბუნებას ისეთივე უფლებებს ანიჭებს, როგორსაც ადამიანს.

ბოლივიის დაახლოებით 10 მილიონიანი მოსახლეობა მრავალეთნიკურია, მათ შორის არიან ინდიელები, მეტისები, ევროპელები, აზიელები და აფრიკელები. ძირითადი სალაპარაკო ენაა ესპანური, თუმცა ოფიციალური ენის სტატუსი აქვს ასევე გუარანის, აიმარას, კეჩუას და 34 სხვა ადგილობრივ ენას. ქვეყანაში არსებულმა განსხვავებული კულტურების დიდმა რაოდენობამ განაპირობა ბოლივიის ძლიერ მრავალფეროვნება ხელოვნებაში, სამზარეულოში, ლიტერატურასა და მუსიკაში.