Molly Malone (Cockles and Mussels bezala ere ezaguna, euskaraz Berberetxoak eta Muskuiluak) Dublingo neskarik ezagunena da. Kondairak dioen bezala, Dublingo hiritik joaten omen zen "Muskuilu eta berberetxo freskoak" saltzen. Gurasoak ere izan omen ziren saltzaileak, oso maiteak era berean.
Dublingo hiritar guztiek asko maite zuten Molly Malone, baina halako batean gaixotu eta kale erdian hil egin zen, gazte zelarik. Inork ez zuen ezer egin zereginik ez zegoelako. Dublinen ez dute ahaztu, eta oraindik nork edo nork esaten du gauetan Dublingo erdialdetik pasatzen dela.
Beste pertsona batzuek ordea, Molly Malonek bizitza bikoitza eramaten zuela esaten dute eta gauetan kaleetan prostituitzen zela diote, bere familia aurrera eramateko asmoz.
Gaur egun Molly Maloneren estatua bat dago Grafton kalean.
Gehitu iruzkin berria