Xhamajka është shtet ishullor në detin e Karaibeve. Ajo është ishulli i tretë më i madh i Antileve të Mëdha. Xhamajka ka një sipërfaqe prej 10.990 km². Numri i popullsisë arrin 2.680.029 banorë. Kryeqytet i Xhamajkës është Kingston me rreth 650.000 banorë, i cili është edhe porti më i madh detar. Qytetet tjera më të mëdha janë: Spenish taun (Spanish Town) dhe Montego bej (Montego Bay). Xhamajka është shtet demokratik institucional parlamentar. Në krye të shtetit është mbretëresha Elizabeta II. Xhamajka e ka fituar pavarësinë nga Mbretëria e Bashkuar më 6 gusht 1962.

Vendasit, Taino, e quajtën atë Xaymaca në gjuhën Arawakane, që do të thotë "Toka e drurit dhe ujit" ose "Toka e burimeve ujore".

Sa i përket ndarjes etnike, pjesa më e madhe e popullsisë është zezake -75%. Gjuhë zyrtare është ajo angleze. Pjesa më e madhe e ppullsisë i takon kishës anglikane.

Festë kombëtare është Dita e Pavarësisë.