Галеријата на академијата (италијански: Gallerie dell'Accademia) — музеј и галерија во градот Венеција, Италија. Музејот се наоѓа на јужниот брег од Големиот канал, во населбата Дорсодуро, кај истоимениот мост.

Музејската колекција опфаќа дела од XIV век до XVIII век. Денеска оваа галерија е една од најголемите туристички атракции во градот. Во текот на 2008 година, галеријата имала 356.191 посетители.