Սիրո պատ (ֆր.՝ Le mur des je t'aime, lit. the I Love You Wall), սիրային թեմայով պատ, որը գտնվում է Փարիզի Մոնմարտր բնակավայրի Ժան Ռիկտուսի զբոսայգում։ Պատի ընդհանուր մակերեսը 40 մ² է։ Այն ստեղծվել է 2000 թվականին գեղագիր Ֆեդերիկ Բարոնի և որմնանկարիչ Քլեր Կիտոյի կողմից։ Պատը բաղկացած է 612 արծնապատ սալիկներից, որոնց վրա «Ես քեզ սիրում եմ» արտահայտությունը գրված է 250 տարբեր լեզուներով 311 անգամ։ Սալիկներից յուրաքանչյուրը 21x29․7 սմ է։

Այն ներառում է «Ես քեզ սիրում եմ» արտահայտությունը բոլոր հիմնական լեզուներով։ Կան նաև որոշ հազվագյուտ լեզուներով գրված արտահայտություններ, ինչպիսիք են՝ նավաջոյով, ինուիտով, բամբարայով և Էսպերանտոյով։

Պատը հանրության այցելության համար անվճար է։