United States

Ամերիկայի Միացյալ Նահանգներ

Ggerdel - Fotografía tomada por: Gustavo Gerdel - CC BY-SA 4.0 Photographersnature - CC BY-SA 3.0 sanil - CC0 National Park Service - Public domain bikeride - BikeRide.com - CC BY 2.0 Nheyob - CC BY-SA 3.0 Jim Bahn - CC BY 2.0 Bureau of Land Management - Public domain Elliottwolf - CC BY-SA 3.0 Summum - CC BY-SA 2.5 Daniel Schwen - CC BY-SA 4.0 Lentyski8 - CC BY-SA 4.0 Pretzelpaws at English Wikipedia - CC BY-SA 3.0 MichaelDPhotos - CC BY-SA 4.0 Daniel Schwen - CC BY-SA 4.0 Kyle Harmon from Oakland, CA, USA - CC BY 2.0 Bureau of Land Management - Public domain Brocken Inaglory - CC BY-SA 4.0 Scott Catron - CC BY-SA 2.0 Isidoro - CC BY-SA 4.0 Bureau of Land Management - Public domain Bureau of Land Management - Public domain Pavel Špindler - CC BY 3.0 MasterDoggo - CC BY-SA 4.0 RobBertholf - CC BY-SA 4.0 Bureau of Land Management - Public domain Ken Lund from Las Vegas, Nevada, USA - CC BY-SA 2.0 Michael Grindstaff - CC BY-SA 3.0 Palacemusic - CC BY-SA 3.0 rachel_thecat - CC BY-SA 2.0 m01229 from USA - CC BY-SA 2.0 Suiseiseki - CC BY-SA 3.0 Jennifer R. Trotter - CC BY-SA 4.0 KyleAndMelissa22 - Public domain MagicalT - Public domain Swampyank at en.wikipedia - CC BY-SA 3.0 Alek Leckszas - CC BY-SA 4.0 Shari Garland - CC BY-SA 4.0 Laban712 on en - Public domain Photographersnature - CC BY-SA 3.0 Larry Lamsa - CC BY 2.0 KimonBerlin - CC BY-SA 2.0 MichaelDPhotos - CC BY-SA 4.0 Gareth123458 - CC BY-SA 4.0 Bob Wick; Bureau of Land Management - Public domain Photographersnature - CC BY-SA 3.0 Mark Ryan - GFDL Frank Schulenburg - CC BY-SA 4.0 Dicklyon - CC BY-SA 4.0 John Fowler - CC BY 2.0 Original uploaded by Quintin3265 (Transfered by Gavin.perch) - CC BY-SA 3.0 Brian W. Schaller - FAL No images

Context of Ամերիկայի Միացյալ Նահանգներ

Ամերիկայի Միացյալ Նահանգներ, հաճախ անվանվում է Միացյալ Նահանգներ, կամ պարզապես Ամերիկա (անգլ.՝ United States of America), դաշնային սահմանադրական հանրապետություն Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից, որոնք իրականում կիսանկախ պետություններ են (ինչը արտահայտված է նրանց պաշտոնական անունների մեջ․ օրինակ՝ Կալիֆոռնիան կոչվում է Կալիֆոռնիա Հանրապետություն և դա այժմ էլ գրված է նրա դրոշի վրա), և դաշնային նշանակության Կոլումբիա շրջանից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ինչպես նաև՝ ծովային սահման ունի Ռուսաստանի հետ։ Ամերիկյան երկու նահանգներ ցամաքային սահման չունեն երկրի հիմնական տարածքի հետ։ Դրանք են՝ Ալյասկան՝ Հյուսիսային Ամերիկայի հյուսիսարևմտյան հատվածում, և Հավայան կղզիները՝ Խաղաղ օվկիանոսում։

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամե...Կարդալ ավելին

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամերիկայի ազգային-ազատագրական պայքարում տոնած հաղթանակի գլխավոր հետևանքներից մեկը։ 1787 թվականին ընդունվեց ամերիկյան սահմանադրությունը, որն իր տեսակով առաջինն էր մարդկության պատմության մեջ։ Նույն տարում ԱՄՆ-ի առաջին նախագահ ընտրվեց ազատագրական շարժման ականավոր գործիչ Ջորջ Վաշինգտոնը։ 1865 թվականի դեկտեմբերի 18-ին Ամերիկայում վերացվեց ստրկությունը։ Առաջին համաշխարհային պատերազմի ավարտից հետո Ամերիկայի Միացյալ Նահանգները սկսեց անդամակցել Ազգերի լիգային և Միջազգային արդարադատության մշտական պալատին։ Երկրորդ համաշխարհային պատերազմի տարիներին հակահիտլերյան խմբավորմանն օժանդակելը բարձրացրեց ԱՄՆ-ի հեղինակությունը Եվրոպայում, իսկ ռազմական գործողությունների ավարտից հետո վերջինս դարձավ կապիտալիստական աշխարհի կորիզը։ 1945 թվականին ԱՄՆ-ն դարձավ առաջին միջուկային տերությունն աշխարհում։

Ամերիկայի Միացյալ Նահանգները ներկայումս զբաղեցնում է 9,826,675 կմ² տարածք (4-րդն աշխարհում) և ունի 322 370 752 մարդ (ըստ 2015 թվականի նախահաշվարկի) բնակչություն (3-րդն աշխարհում)։ Լայնամասշտաբ ներգաղթի պատճառով՝ այն աշխարհի ամենաբազմազգ պետություններից մեկն է։ Մայրաքաղաքը Վաշինգտոնն է՝ խոշորագույն քաղաքը՝ Նյու Յորքը։ Նյու Յորքից բացի, երկրի տարածքում կան 9 քաղաքներ ևս, որոնց բնակչությունը գերազանցում է մեկ միլիոնը։ Դրանք են Լոս Անջելեսը, Չիկագոն, Հյուստոնը, Ֆինիքսը, Ֆիլադելֆիան, Սան Անտոնիոն, Սան Դիեգոն, Դալասը և Սան Խոսեն։ Պետական լեզուն անգլերենն է, որն այստեղ տարածվել է գաղութային տարիներին։

Միացյալ Նահանգները ժամանակակից աշխարհի տնտեսական, քաղաքական և ռազմական ամենահզոր ուժն է։ Համախառն Ներքին Արդյունքի գրեթե 1/4 մասը ստեղծվում է ԱՄՆ-ում։ Արդյունաբերության և գյուղատնտեսության արտադրանքի ծավալով և արտահանմամբ, արտաքին առևտրի շրջանառության ծավալով, կապիտալի արտահանմամբ, գիտատեխնիկական ներուժով և սպասարկման ոլորտի զարգացման մակարդակով աշխարհի առաջատար տերությունն է։ Ամերիկայի Միացյալ Նահանգների տնտեսությանը բնորոշ է արտադրության և կապիտալի համակենտրոնացման բարձր աստիճանը։ Աշխարհի բոլոր երկրներից առաջինը հետարդյունաբերական փուլ թևակոխած այս երկրում ծառայություններ մատուցող ճյուղերի բաժինը համախառն ներքին արդյունքում կազմում է մոտ 80 %, իսկ արտադրական ոլորտին բաժին է ընկնում ընդամենը 20 %։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։