中华人民共和国

República Popular da China

Shahbazaslam1 - CC BY-SA 4.0 B_cool from SIN, Singapore - CC BY 2.0 Munford - CC BY-SA 3.0 Gisling - CC BY 3.0 Made by Fanghong - CC BY-SA 3.0 ofol - CC BY 2.5 Zimtstern 2k - CC0 HighestBridges - CC BY-SA 4.0 Munford - CC BY-SA 3.0 Luca Galuzzi (Lucag) - CC BY-SA 2.5 Qiu Mao - CC BY 3.0 Wang Junbo (talk · contribs) - Public domain Charlie fong - Public domain NoGhost - CC BY-SA 4.0 Mlq4296 - CC BY-SA 3.0 Global Photographer - CC BY-SA 3.0 Ariel Steiner - CC BY 2.5 BabelStone - CC BY-SA 3.0 Ian Lambot - CC BY-SA 4.0 Jialiang Gao, www.peace-on-earth.org - CC BY-SA 3.0 Kelisi - Public domain Atlaslin - CC BY-SA 3.0 No machine-readable author provided. Airunp assumed (based on copyright claims). - Public domain Chlich - CC BY-SA 4.0 Nyx Ning - CC BY-SA 3.0 Wang Junbo (talk · contribs) - Public domain Wang Junbo (talk · contribs) - Public domain Wang Junbo (talk · contribs) - Public domain Tyg728 - CC BY-SA 4.0 Kelisi - Public domain Pravit - CC BY-SA 4.0 David Stanley from Nanaimo, Canada - CC BY 2.0 Ronnie Macdonald from Chelmsford, United Kingdom - CC BY 2.0 Sheikh Danish Ejaz - CC BY-SA 4.0 HighestBridges - CC BY-SA 4.0 Wang Junbo (talk · contribs) - Public domain Laika ac from UK - CC BY-SA 2.0 Alexandre Afanassiev - CC BY-SA 3.0 Sadoc Vazkez - CC BY-SA 4.0 default Sprt98 - CC BY-SA 4.0 calflier001 - CC BY-SA 2.0 squallgold - CC BY-SA 4.0 Charlie fong - Public domain Flaumfeder - CC BY-SA 4.0 Reurinkjan - CC BY 2.0 Jialiang Gao, www.peace-on-earth.org - CC BY-SA 3.0 Chensiyuan - CC BY-SA 4.0 Alpha from Melbourne, Australia - CC BY-SA 2.0 Pressimad - CC BY-SA 4.0 No images

Context of República Popular da China

A China (en chinés: 中国; pinyin: Zhōngguó), oficialmente a República Popular da China (en chinés: 中华人民共和国; pinyin: Zhōnghuá rénmín gònghéguó), é un estado situado en Asia oriental. Trátase do país máis poboado do mundo, xa que conta cunha poboación que supera os 1.300 millóns de habitantes. A República Popular é un Estado unipartidista gobernado polo Partido Comunista da China, estando a súa sede goberno na cidade de Pequín. Esta, exerce xurisdición sobre vinte e dúas provincias, cinco rexións autónomas (Guangxi, Mongolia Interior, Ningxia, Tíbet e Xinjiang), catro municipalidades directamente controladas (Pequín, Tianjin, Shanghai e Chongqing) e dúas rexións administrativas especiais practicamente autónomas, Hong Kong e Macau. A República Popular da China, amais, reclama Taiwán como a súa provincia número vinte e tres. Na práctica, a illa é independente, administrada polo réxime da República da China d...Ler máis

Cunha superficie aproximada de 9,6 millóns de quilómetros cadrados, a China é o segundo país maior en relación á súa superficie terrestre e o terceiro ou cuarto maior pola súa superficie total. A paisaxe da China é vasta e diversa. Os áridos norte e noroeste, nas proximidades de Mongolia e Asia Central, están ocupados por estepas forestais e os desertos do Gobi e Taklamakan. O sur, lindando coa rexión do Sueste asiático, é máis húmido e está ocupado por bosques subtropicais. A zona máis occidental é accidentada e moi elevada, coas cordilleiras do Himalaias, Karakorum, Pamir e Tian Shan facendo de fronteira natural entre a China e Asia Central e do Sur. A nivel fluvial destacan os ríos Yangtzé e Amarelo, o terceiro e o sexto máis longos do mundo. Ambos nacen na meseta do Tíbet, e flúen para a densamente poboada costa Leste. A liña costeira da China ao longo do Océano Pacífico é de 14.500 quilómetros e está limitada polos mares de Bohai, Amarelo, Oriental e o Meridional.

A antiga civilización chinesa, unha das máis antigas do mundo, floreceu na fértil conca do río Amarelo. Durante miles de anos o seu sistema político baseouse en monarquías hereditarias, coñecidas como dinastías, sendo a primeira a semimitolóxica dinastía Xia (aprox. 2.000 a.C.). Dende o ano 221 a.C., cando a dinastía Qin conquistou varios estados para formar un grande Imperio chinés, o país expandiuse, fracturouse e reformouse en varias ocasións. A última dinastía foi derrocada no ano 1911 coa chegada da República da China. En 1945, a República conquistou Taiwán ao Imperio do Xapón trala fin da Segunda Guerra Mundial. Nos anos 1946 a 1949 o Partido Comunista derrotou ao nacionalista Kuomintang na China continental e estableceu en Pequín a República Popular da China o 1 de outubro de 1949, mentres que o Kuomintang trasladou o goberno da República da China a Taipei. A xurisdición da República da China limítase agora a Taiwán e varias illas próximas, incluíndo Penghu, Kinmen e Matsu.

A lingua chinesa é a lingua máis falada no mundo: arredor dun quinto da poboación mundial fala algunha forma de chinés como lingua nai. A lingua chinesa, na forma de chinés mandarín, é a lingua oficial da República Popular da China, así como de Taiwán. É ademais unha das linguas oficiais de Singapur e mais unha das seis linguas oficiais das Nacións Unidas.

A China ten fronteiras con 14 países: Afganistán, Bután, Myanmar, India, Casaquistán, Quirguisia, Laos, Mongolia, Nepal, Corea do Norte, Paquistán, Rusia, Taxiquistán e Vietnam. As cidades máis importantes son Pequín, Shanghai, e Hong Kong. Desde a súa fundación en 1949, a RPCh está gobernada polo Partido Comunista Chinés. Aínda que oficialmente segue a ser un estado comunista, a súa economía vén sendo liberalizada desde hai tres décadas.