Нубијските пирамиди биле изградени од владетелите на древните кушитски кралства. Областа на долината на Нил позната како Нубија, која се наоѓа на север од денешен Судан, била место на три кушитски кралства за време на антиката. Главниот град на првиот бил Керма (2500–1500 п.н.е.). Вториот бил фокусиран на Напата (1000–300 п.н.е.). Третото кралство било со центарот на Мерое (300 п.н.е.-300 г. од нашата ера). Пирамидите се изградени од гранит и песочник.

Под големо влијание од Египќаните, нубијските кралеви изградиле свои пирамиди 1000 години откако египетските методи на погребување се промениле. Во Нубија за прв пат биле изградени пирамиди во Ел Куру во 751 година п.н.е. Пирамидите во нубиски стил емулирале форма на египетска приватна елитна семејна пирамида која била вообичаена за време на Новото Кралство. Има двојно повеќе Нубијски пирамиди кои сè уште стојат денес отколку египетските. Четириесет од пирамидите биле делумно урнати од италијанскиот ловец на богатство, Џузепе Ферлини, во 1830-тите. Нубијските пирамиди се дел од светското наследство на УНЕСКО.