ჯორჯ ვაშინგტონის ხიდი (ინგლ. George Washington Bridge), ცნობილი და მიღებული როგორც ჯვ ხიდი (GW Bridge), ჯვბ (GWB) ან ჯვ (GW), — დაკიდული ხიდი მდინარე ჰუდსონზე, რომელიც აკავშირებს მანჰეტენის (ნიუ-იორკი) და ფორტ ლის (ნიუ-ჯერსი) ტერიტორიებს აშშ-ში. გზატკეცილები 95 და აშშ მარშრუტი 1/9 ჰკვეთენ მდინარეს ხიდის საშუალებით, რომელიც არის ნიუ-ჯერსიში შესასვლელი, ხოლო ნიუ-იორკის ტერიტორია ხიდის შუაში მთავრდებოდა.

ხიდს ნიუ-იორკის მეტროპოლიტენის არეაში ზედა სართულზე 4 საგზაო ზოლია ყოველი მიმართულებით და ქვედა სართულზე კი 3 საგზაო ზოლი, ასევე ყველა მიმართულებით, სულ კი 14 საგზაო ზოლია სამოგზაუროდ. ხიდზე გასანვითარებელი მაქსიმალური სიჩქარე 70 კმ/სთ-ია (45 მ/სთ), ხოლო ხშირ შემთხვევაში მანქანების სიჩქარეს განსაზღვრავს ხიდზე შექმნილი გადატვირთული მოძრაობა, განსაკუთრებით დილას ადრიან საათებში და საღამოს საათებში, როდესაც პიკის საათია. ზედა სართულზე ასევე შესაძლებელია გადასვლა როგორც ქვეითისთვის, ასევე ველოსიპედისტებისთვის. 2007 წლის მონაცემებით, ჯორჯ ვაშინგტონის ხიდს ჰქონდა ყველაზე უდიდესი გადაზიდვის მოცულობა მსოფლიოს მასშტაბით, რომელიც მიახლოებით 106 მილიონ ავტომობილს გადაატარებს ყოველ წლიურად, რითაც ხიდი ყველაზე დატვირთული მოტორიანი ავტომობილების ხიდად მიიჩნევა. ეს განცხადება გაკეთებულია ნიუ-იორკისა და ნიუ-ჯერსის პორტების უფლებამოსილებიანი პირების მიერ, რომლებიც ფლობენ უფლებას რამდენიმე ხიდის, ტუნელის და აეროპორტის არეაზე.