Պաղեստին (արաբ․՝ فلسطين‎‎), պաշտոնական Պաղեստին պետություն (արաբ․՝ دولة فلسطين‎‎), դե յուրե Ինքնիշխան պետություն Միջին Արևելքում, որը հավակնում է Հորդանան գետի արևմտյան ափին (սահմանակցում է Իսրայելին և Հորդանանին) և Գազայի հատվածին (սահմանակցում է Իսրայելին և Եգիպտոսին), որի մայրաքաղաքն է համարվում Արևելյան Երուսաղեմը, չնայած վարչական կենտրոնը գտնվում է Ռամալլահում: Պաղեստին պետության մեծ հատվածը օկուպացված են Իսրայելի կողմից 1967 թվականի Վեցօրյա պատերազմից հետո։ Բնակչությունը 4.550.368 է 2014 թվականի դրությամբ և զբաղեցնում է աշխարհում 123-րդ տեղը։

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական և հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով։ Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ։ Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը։ Այն շուտով ճանաչվեց Արաբական լիգայի անդամ բոլոր պետությունների կողմից բացառությամբ Հորդանանի։ Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով։ Իսրայելը ավելի ուշ նվաճեց Գազայի հատվածը և Սինայի թերակղզին Եգիպտոսից, Հորդանանի գետի արևմտյան ափը Հորդանանից և Գոլանի բարձունքները Սիրայից Վեցօրյա պատերազմի ընթացքում։