Fingalen haitzuloa (ingelesez Fingal's Cave eta Eskoziako gaeleraz An Uaimh Bhinn, hots, "Doinuaren haitzuloa") Eskoziako mendebaldeko Barruko Hebridak uhartedian dagoen Staffa uharteko itsas haitzulo bat da, itsas erreserba bateko zati delarik.

Ipar Irlandako Erraldoien Galtzadaren antzeko basalto hexagonalez osatua dago, haren sumendi fluxuzko jatorri berbera duelarik. Bere neurri handiak, barneko arku natural nahiz olatuen talken ohiartzunek sorturiko soinu izugarriek itsas katedral natural baten giroa ematen diote, hortik bere gaelerazko Uamh-Binn ("Doinuaren haitzuloa") izena.

1772an Sir Joseph Banks naturalistak topatu zuen. Fingalen haitzuloa izenez bataiatua izan zen, ustezko Fingal (Fionn mac Cumhaill) kondairazko heroi edo pertsonaiaren omenez (James Macpherson olerkari eta historialariak Felix Mendelssohn alemaniar konposatzailearen Die Hebriden obertura ("Hebridak" 26. op) haitzulo honetako ohiartzunetan oinarritua dago, maiz fingalen haitzuloa izenez ere aipatua delarik.