Zeelanda Berria (ingelesez: New Zealand; maorieraz: Aotearoa, aɔˈtɛaɾɔa ahoskatua) Ozeaniako hegoaldeko estatu burujabe bat da. Bi uharte nagusiz osatuta dago, iparraldekoa eta hegoaldekoa, eta badira beste uharte txiki batzuk ere. Wellington du hiriburu, baina Auckland da hiri handiena. Uhartearen urruntasunagatik, gizakiek populatu zuten azken uharteetakoa da. Isolamendu garai luzearen ondorioz, biodibertsitate desberdinak garatu ditu animalietan, onddoetan eta landareetan.