Yəhudi muxtar vilayəti — Rusiya Federasiyasının subyektlərindən biri, Rusiyada yeganə muxtar vilayət. Paytaxtı Birobican şəhəridir. 1928-ci il may ayının 7-də yaradılmışdır. 1934-cü ildə "Muxtar respublika" statusu almışdır. Sovet Sosialist Respublikaları İttifaqı dağıldıqdan (1991) sonra yenə də "Muxtar vilayət" olmuşdur.

Yəhudi muxtar vilayəti Moskvadan 8000 kilometr şərqdə yerləşir. Çin Xalq Respublikası və Saxa ilə həmsərhəddir. Yəhudi muxtar vilayəti federal bölgə olaraq Rusiya Federasiyasının Uzaq Şərq Federal Dairəsinə, iqtisadi bölgə olaraq isə Rusiya Federasiyasının Uzaq Şərq İqtisadi Bölgəsinə daxildir. Qubernatoru Nikolay Mixayloviç Volkovdur. Vilayətin qanunvericilik orqanı Yəhudi muxtar vilayəti məclisidir. Əsas qanunları Yəhudi muxtar vilayətinin konstitusiyasıdır. Ərazisi 36.000km² olan (13.900mil²) Yəhudi muxtar vilayəti buna görə Rusiya Federasiyasında 61-ci yeri tutur. Əhalisi isə təxminən 190.915 nəfərdir (Rusiya Federasiyasında 80-ci yerdə). Əhali sıxlığı hər km²-ə 5 nəfər düşür (hər mil²- ə14 nəfər düşür). Yəhudi muxtar vilayətinin rəsmi dövlət dilləri idiş dili və rus dilidir.