Monumenti i Kryengritjes së Popullit të Kordunit dhe Banijës (i njohur thjesht si Monumenti i Petrova Gora) është një monument i Luftës së Dytë Botërore i ndërtuar në Veliki Petrovac, maja më e lartë e Petrova Gorës (Anglisht: Mali i Pjetrit), një varg malor në Kroacinë qendrore. Vendi i monumentit ndahet midis tre komunave: Gvozd dhe Topusko, në Qarkun Sisak-Moslavina dhe Vojnić, në Qarkun Karlovac.

Monumenti feston kryengritjen dhe lëvizjen e rezistencës të popullit të Kordunit dhe Banijës kundër nazifashizmit dhe përkujton viktimat e nazizmit, si viktimat civile ashtu edhe luftëtarët e rënë të rezistencës.

Pas themelimit të njësive të para partizane në rajonet e Kordunit dhe Banijës në fillim të verës së vitit 1941, serbët etnikë luftuan kundër nazizmit dhe pushtimit. Ky rajon ishte gjithashtu një vend themelimi i shtabit kryesor të Ushtrisë Popullore Çlirimtare të Kroacisë, Spitali Partizan ishte aktiv gjatë gjithë luftës dhe në vitin 1944 u mbajt sesioni i tretë i ZAVNOH në Topusko.

Autori. i monumentit është skulptori i njohur kroat Vojin Bakiq. Ndërtimi i monumentit përfundoi në vitin 1981.