Kathmandu (Nepalisht: काठमाडौँ, shqiptimi në nepalisht: ˈkaʈʰmaɳɖu) është kryeqyteti dhe qyteti më i madh i Nepalit, me një popullsi prej rreth 1 milion. Njihet gjithashtu si qyteti i tempujve. Qyteti qëndron në një lartësi prej afërsisht 1,400 metrash mbi nivelin e detit në Luginën Kathmandu në formë tasi në Nepalin qendror. Lugina u quajt historikisht "Nepala Mandala" dhe ka qenë shtëpia e Neuarëve, një civilizim urban kozmopolit në ultësirën e Himalajeve. Qyteti ishte kryeqyteti mbretëror i Mbretërisë së Nepalit dhe pret pallate, mansione dhe kopshte të aristokracisë nepaleze. Ajo ka qenë shtëpia e selisë qendrore të Shoqatës së Azisë Jugore për Bashkëpunim Rajonal (SAARC) që nga viti 1985. Sot, është selia e qeverisë së republikës nepaleze, e themeluar në vitin 2008, dhe është pjesë e Provincës Bagmati.

Kathmandu është dhe ka qenë për shumë vite qendra e historisë, artit, kulturës dhe ekonomisë së Nepalit. Ka një popullsi multi-etnike brenda një shumice Hindu dhe Budiste. Festat fetare dhe kulturore përbëjnë një pjesë kryesore të jetës së njerëzve që banojnë në Kathmandu. Turizmi është një pjesë e rëndësishme e ekonomisë në qytet. Qyteti konsiderohet si portë hyrëse në Himalajet Nepaleze dhe është shtëpia e disa vendeve të [[Vende të trashëgimisë botërore|Trashëgimisë Botërore[[: Sheshi Durbar, Swayambhunath, Boudhanath dhe Pashupatinath.

Zonat historike të Kathmandu u dëmtuan rëndë nga një tërmet me madhësi 7.8 në prill 2015. Disa nga ndërtesat janë restauruar ndërsa disa mbeten në procesin e rindërtimit.