Ankaraja, gjithashtu e njohur me emrin antik Angora, është kryeqyteti i Turqisë. Është qyteti i dytë më i madh në Turqi pas Stambollit.

Në Ankara gjindet mauzoleu i gjeneralit turk Mustafa Qemal Atatyrk. Mauzoleu Anıtkabir është përmendore monumentale e ndërtuar në vitin 1953, aty ndodhet varri i Ataturkut dhe i bashkëpunëtorit të tij më të ngushtë Ismet Inony.

Megjithëse e vendosur në një nga rajonet më të thata të Turqisë dhe e rrethuar kryesisht nga bimësia e stepave (përveç zonave të pyllëzuara në periferinë jugore), Ankara mund të konsiderohet një qytet i gjelbër për sa i përket zonave të gjelbërta për banor, me 72 metra katrorë për kokë.