ရဲရို့စ်မြို့  သည် နော်ဝေနိုင်ငံ ဆိုးထရောင်လက် ကောင်တီရှိ မြို့နှင့် စည်ပင်သာယာနယ်နိမိတ်တစ်ခု ဖြစ်သည်။ ဂေါဒယ်လ်ခရိုင်အတွင်းတွင် ပါဝင်သည်။ စည်ပင်သာယာနယ်နိမိတ်၏ အုပ်ချုပ်ရေး တည်ရှိရာမှာ ရဲရို့စ်မြို့ ဖြစ်သည်။ အခြား ပါဝင်သော ကျေးရွာများမှာ ဘရက်ကန်၊ ဂလာမော့စ်၊ ဖရေးဂျင်း၊ ဂယ်လာ နှင့် ဟစ်တာဒါးလန် တို့ဖြစ်ကြသည်။

သတ္တုတွင်း မြို့ဖြစ်သော ရဲရို့စ်မြို့အား တစ်ခါတစ်ရံ ဘတ်ခ်စတေးဒန် ဟု ခေါ်ကြပြီး ကျောက်တုံးမြို့ဟု အဓိပ္ပာယ်ရကာ သမိုင်းကြောင်းအရ ကြေးနီသတ္တုတူးဖော်ခြင်း နှင့် ပတ်သက်သော နာမည်ဆိုးကြောင့် ဖြစ်သည်။ ထိုမြို့သည် နော်ဝေနိုင်ငံ သမိုင်းတွင် သတ္တုတွင်းမြို့အဖြစ် သတ်မှတ် ခဲ့သော မြို့ နှစ်မြို့ အတွင်းမှ တစ်မြို့ဖြစ်ပြီး အခြားမြို့မှာ ငွေသတ္တုမြို့ ဖြစ်သော ကောင်းစဘတ်မြို့ ဖြစ်သည်။ ယနေ့ခေတ် ရဲရို့စ်မြို့တွင် နေထိုင်သူများမှာ ၁၇ ရာစု နှင့် ၁၈ ရာစု ပုံသဏ္ဌန် အဆောက်အဦးများတွင်ပင် နေထိုင်ကြပြီး ထို့အတွက်ကြောင့် ၁၉၈၀ ခုနှစ်တွင် ယူနက်စကို မှ ကမ္ဘာ့အမွေအနှစ်နေရာ အဖြစ် သတ်မှတ်ခဲ့သည်။ ရဲရို့စ်တွင် ပျဉ်ထောင်အိမ် ၈၀ ခန့် ရှိပြီး အများစုမှာ ခြံဝန်းနှင့် ဖြစ်ကြသည်။