ဂရင်းကင်ညွန် အမျိုးသားဥယျာဉ်
Context of ဂရင်းကင်ညွန် အမျိုးသားဥယျာဉ်
ဂရင်းကင်ညွန် အမျိုးသားဥယျာဉ်သည် အမေရိကန်ပြည်ထောင်စုရှိ အမျိုးသားဥယျာဉ် အဖြစ် သတ်မှတ်ခြင်းခံရသော နေရာများတွင် ၁၅ ခုမြောက် ဖြစ်သည်။ ၁၉၇၉ ခုနှစ်တွင် ယူနက်စကို ကမ္ဘာ့အမွေအနှစ်နေရာ အဖြစ် သတ်မှတ်ခြင်း ခံရပြီး အရီဇိုးနားပြည်နယ်၏ အနောက်မြောက်ပိုင်းတွင် ရှိသည်။ ၎င်းဥယျာဉ်၏ အဓိက နေရာမှာ ကော်လိုရာဒိုမြစ်၏ ချောက်ကမ်းပါးတစ်ခု ဖြစ်သော ဂရင်းကင်ညွန် ချောက်ကမ်းပါး ဖြစ်ပြီး ကမ္ဘာ့အံ့ဖွယ်များ တွင် အပါအဝင် အဖြစ် သတ်မှတ်လေ့ရှိသော နေရာ ဖြစ်သည်။ ထိုဥယျာဉ်သည် ၁,၂၁၇,၂၆၂ ဧက (၁,၉၀၁.၉၇၂ စတုရန်းမိုင် ၊ ၄၉၂,၆၀၈ ဟက်တာ၊ ၄၉၂၆.၀၈ စတုရန်းကီလိုမီတာ) မျှ ကျယ်ဝန်းပြီး ကိုကိုနီနို ကောင်တီ နှင့် မိုဟေ့ဗ်ကောင်တီတို့၏ အုပ်ချုပ်ရေးဒေသ မဟုတ်သော နယ်မြေများပါဝင်သည်။ ၂၀၁၆ ခုနှစ်တွင် အပန်းဖြေ လာရောက်သူ ၆ သန်းခန့် ရှိခဲ့ပြီး အမေရိကန် အမျိုးသားဥယျာဉ်များတွင် ဂရိတ်စမုတ်ကီတောင် အမျိုးသားဥယျာဉ်ပြီးလျှင် ဒုတိယမြောက် လာရောက်သူ အများဆုံး ဖြစ်သည်။
