အင်ပိုင်ယာစတိတ် အဆောက်အဦးသည် အမေရိကန်ပြည်ထောင်စု နယူးယောက်မြို့တွင် ရှိသော ၁၀၂ ထပ်မြင့်သည့် ထင်ရှားသည့် အဆောက်အဦးတစ်ခု ဖြစ်သည်။ ဖစ်အဲဗင်းနျူး လမ်း နှင့် ဝက်စ် သာတီဖိုး လမ်း ဆုံရာတွင် ရှိသည်။ ၎င်းသည် ၁၂၅၀ ပေမြင့်သည်။ အဆောက်အဦး၏ အမည်မှာ နယူးယောက်ပြည်နယ်အား တင်စားခေါ်ဝေါ်သည့် နယူးယောက် အင်ပိုင်ယာစတိတ် ဆိုသော စကားကို အစွဲပြု၍ ခေါ်ဝေါ်ခြင်း ဖြစ်သည်။ ထို အဆောက်အဦးသည် ကမ္ဘာ့ အမြင့်ဆုံး အဆောက်အဦးအဖြစ် နှစ်ပေါင်း ၄၀ ကျော်ကြာအောင် စံချိန်တင်ထားနိုင်ခဲ့သည်။ စတင်တည်ဆောက်ခဲ့သော ၁၉၃၁ ခုနှစ်မှ ဝေါလ်ထရိတ်စင်တာ၏ မြောက်ဘက် တာဝါပြီးဆုံးသည့် ၁၉၇၂ ခုနှစ် အထိပင် ဖြစ်သည်။ ဝေါလ်ထရိတ်စင်တာ ပြိုကျပြီးသည့် အခါတွင် အင်ပိုင်ယာ စတိတ် အဆောက်အဦးသည် နယူးယောက်မြို့၏ အမြင့်ဆုံး အဆောက်အဦး ဖြစ်လာခဲ့ပြန်သည်။