Hasandağı

( Хасандаг )

Description

Хасандаг (турски: Hasan Dağı) — згаснат стравовулкан во покраината Аксарај, средна Турција. Со висина од 3268 м, важи за втора планина по висина во Средна Анадолија. Близу врвот е образувана калдера широка 4-5 км, некаде околу 7500 г. п.н.е., во избув за кој сведочат цртежи од новото камено време (неолитот).

Според наодите, населението на неолитската населба Чаталхојук собирало опсидијан од подрачјето на планината, кој потоа го разменувале со други населби во замена за луксузни добра. Пронајдени се и огледала и деланки од опсидијан. Важноста Хасандаг за жителите на Чаталхојук е видлива по ѕидниот живопис на кој е претставена, па затоа некои го нарекуваат „првиот предел“.

За време на Византиско-арапските војни, планината имала улога на втора испостава од југ во византискиот систем на светилници за предупредување на Цариград од напади.

Сметајќи од највисокото место пристапно со автомобил, планината се искачува за околу 6 часа. ...Read more

Сметајќи од највисокото место пристапно со автомобил, планината се искачува за околу 6 часа. Врвот дава величествен поглед на средишниот дел на Анадолската Висорамнина со далечната Кападокија.