Токио (јапонски: 東京  То:кјо: , „Источна престолнина“) е главниот и најважниот град во Јапонија. Впрочем, Токио не е најголемиот град само во Јапонија, туку е најголем град во светот. Токио се наоѓа на островот Хоншу, во регионот Канто, односно центарот се наоѓа на 35°41' северно од екваторот и 139°46' источно од Гринич. Зафаќа површина од 2.187,08 км²., но неговото влијание се чувствува 1000 км² околу центарот. Во него во самиот центар живеат околу 12 милиони луѓе, а заедно со предградијата живеат околу 35 милиони луѓе.