Гуџарат е сојузна држава во Индија со површина од 196.024 км² и 50.596.992 жители (2001). Гуџарат е индустриски најразвиената држава во Индија. Остварува 19,8% од вкупното индиско индустриско производство. Гуџарат се граничи со Пакистан, а од индиските држави со Раџастан на североисток, Мадја Прадеш на исток и Махараштра на југ. Арапското Море е на западниот брег на државата. Главен град на Гуџарат е планскиот град Гандинагар, кој го замени бившиот главен град Ахмедабад, кој и понатаму е стопанско-трговски центар на Гуџарат.

Сурат претставува светски центар за изработка и брусење на дијаманти. Тука се изработуваат и се брусат 90% од дијамантите во светот или 55% од светската вредност. Ов на Индија ѝ носи приходи од 8 милијарди долари.