Чукотски Полуостров (руски: Чуко́тский полуо́стров) или Чукотка (Чуко́тка) — полуостров на крајниот североисток на Русија и најисточниот полуостров на Азија, кој на исток завршува со ’ртот Дежњов кај селото Уелен. Се граничи со Чукотското Море на север, Беринговото Море на југ и Беринговиот Проток на исток. Административно припаѓа во Чукотскиот автономен округ.

Полуостровот е именуван во 1728 г. од Витус Беринг, кој го нарекол по месниот народ Чукчи.

Најзастапени стопански гранки се рударството (калај, олово, цинк, злато и јаглен), ловот, одгледувањето ирваси и риболовот.