Чаталхојук е голем неолитски и халколитски прото-град во јужна Анадолија, кој приближно постоел од 7100 до 5700 г. п.н.е., а најголемиот процут го доживеал околу 7000 г. п.н.е. Во јули 2012 бил впишан во списокот на светско наследство на УНЕСКО.

Населбата е од збиен тип. Луѓето живееле во четвртести куќи, кои биле градени со блокови од сушена глина, со само една просторија и без темели. Во куќите се влегувало од кровот. Улици не постоеле.