전라북도

( ខេត្តចុលឡាខាងជើង )

Description

ខេត្តចុលឡាខាងជើង ( កូរ៉េ: 전라북도; ហាន់ចា: 全羅北道 ; Jeollabuk-do ) ត្រូវបានគេស្គាល់ផងដែរថាជា ចុនប៊ុក គឺជាខេត្តមួយរបស់ ប្រទេសកូរ៉េខាងត្បូង ។ខេត្តចុលឡាខាងជើង មានប្រជាជនចំនួន១ ៨៦៩ ៧១១ (២០១៥) និងមានទំហំភូមិសាស្ត្រ ៨ ០៦៧គីឡូម៉ែត្រការ៉េ (៣ ១១៥ ម៉ាយញ៍ ) ដែលមានទីតាំងនៅតំបន់ហូណាំ ភាគនិរតីនៃឧបទ្វីបកូរ៉េ ។ ខេត្តចុលឡាខាងជើង មានព្រំប្រទល់ជាប់នឹងខេត្តចុលឡាខាងត្បូងនៅភាគខាងត្បូង ខេត្តកហយងសាំងខាងជើង និង ខេត្តក្យងសាងខាងត្បូងនៅខាងកើត ខេត្តឈុងឆងខាងជើងនៅភាគឦសាន និង ខេត្តឈុងឆងខាងត្បូងនៅខាងជើង។

ជែនជូ គឺជាទីរួមខេត្តនិងជាទីក្រុងធំបំផុតនៃខេត្តចុលឡាខាងជើង ជាមួយនឹងទីក្រុងធំៗផ្សេងទៀតរួមមាន អ៊ីកសាន, គូនសាន និងជុងអឹប ។

ខេត្តចុលឡាខាងជើង ត្រូវបានបង្កើតឡើងក្នុងឆ្នាំ១៨៩៦ ពីខេត្តចុលឡា ដែលជាខេត្តមួយក្នុងចំណោមខេត្តទាំងប្រាំបីរបស់ប្រទេសកូរ៉េ ដែលរួមមានពាក់កណ្តាលភាគខាងជើងនៃទឹកដីដីគោករបស់ខ្លួន។