Türkiye

ប្រទេសតួកគី (ភាសាតួកគី៖ Türkiye) ដោយមានឈ្មោះជាផ្លូវការថា សាធារណរដ្ឋតួកគី (Türkiye Cumhuriyeti) ជាគឺប្រទេសមួយស្ថិតនៅឧបទ្វីបអាណាតូលីយ៉ាក្នុងតំបន់អាស៊ីខាងលិច និងមានទឹកដីមួយភាគតូចស្ថិតនៅតំបន់បាល់កង់នៃអឺរ៉ុបខាងកើត។ ប្រទេសនេះមានព្រំដែនជាប់នឹងប្រទេសក្រិកនិងប៊ុលការីនៅភាគពាយព្យ សមុទ្រខ្មៅនៅភាគខាងជើង ប្រទេសចចជីនៅទិសឦសាន ប្រទេសអាមេនី អាស៊ែបៃសង់ និងអ៊ីរ៉ង់នៅភាគខាងកើត អ៊ីរ៉ាក់នៅភាគអាគ្នេយ៍ ប្រទេសសុីរីនិងសមុទ្រមេឌីទែរ៉ានេនៅភាគខាងត្បូង និងសមុទ្រអ៊ីជាននៅភាគខាងលិច។ អង់ការ៉ាគឺជារដ្ឋធានីរបស់ប្រទេស ខណៈដែលទីក្រុងអ៊ីស្តង់ប៊ុលជាទីក្រុងធំបំផុត និងជាមជ្ឈមណ្ឌលហិរញ្ញវត្ថុ។