ប្រទេសស៊ីមបាវេ ដោយមានឈ្មោះជាផ្លូវការថា សាធារណរដ្ឋស៊ីមបាវេ គឺជាប្រទេសមួយមានទីតាំងស្ថិតនៅអាហ្រ្វិកអាគ្នេយ៍ត្រង់ចន្លោះទន្លេសំបេហ្ស៊ី និងលីមប៉ូប៉ូ។ វាមានព្រំប្រទល់ជាប់ជាមួយប្រទេសអាហ្វ្រិកខាងត្បូងនៅភាគខាងត្បូង ប្រទេសបុតស្វាណានៅភាគនិរតី ប្រទេសសំប៊ីនៅភាគខាងជើង និងប្រទេសម៉ូសំប៊ិកនៅភាគខាងកើត។ រដ្ឋធានី និងទីក្រុងធំជាងគេគឺ ហារ៉ា ហើយទីក្រុងធំបន្ទាប់គឺ ប៊ូឡាវ៉ាយ៉ូ។ ប្រទេសនេះមានប្រជាជនប្រហែល ១៥ លាននាក់ និងមានភាសាផ្លូវការចំនួន ១៦ ដោយមានភាសាអង់គ្លេស ស្យូណា និងអ៊ិនដេបេឡេ ជាភាសានិយមបំផុត។ វាធ្លាប់ត្រូវបានគេស្គាល់ថាជា "រតនភណ្ឌនៃទ្វីបអាហ្រ្វិក" ដោយសារតែភាពរុងរឿងដ៏អស្ចារ្យរបស់វា។