Context of អង់កូឡា
ប្រទេសអង់កូឡា ដោយមានឈ្មោះជាផ្លូវការថា សាធារណរដ្ឋអង់កូឡា (ភាសាព័រទុយហ្គាល់៖ República de Angola ) គឺជាប្រទេសមួយស្ថិតនៅឯឆ្នេរខាងលិចនៃតំបន់អាហ្រ្វិកភាគខាងត្បូង។ ប្រទេសនេះមានព្រំប្រទល់ជាប់នឹងប្រទេសណាមីប៊ីនៅភាគខាងត្បូង ស.ប. កុងគោនៅភាគខាងជើង ប្រទេសសំប៊ីនៅទិសខាងកើត និងមហាសមុទ្រអាត្លង់ទិកនៅភាគខាងលិច។ ប្រទេសអង់កូឡាមានខេត្តបរិពន្ធភូមិមួយ ពោលគឺខេត្តកាប៊ីនដាដែលមានព្រំប្រទល់ជាប់នឹងសាធារណរដ្ឋកុងគោ និងសាធារណរដ្ឋប្រជាធិបតេយ្យកុងគោ។ រដ្ឋធានី និងទីក្រុងធំបំផុតរបស់ប្រទេសនេះគឺ លូអង់ដា។
