España
អេស្ប៉ាញContext of អេស្ប៉ាញ
ប្រទេសអេស្ប៉ាញ (ភាសាអេស្ប៉ាញ៖ España) ដោយមានឈ្មោះជាផ្លូវការថា ព្រះរាជាណាចក្រអេស្ប៉ាញ (Reino de España) គឺជាប្រទេសមួយស្ថិតនៅប៉ែកអឺរ៉ុបខាងត្បូង និងតាមនិយមន័យភូមិសាស្ត្រទូទៅ គឺស្ថិតនៅភាគខាងលិចនៃទ្វីបអឺរ៉ុបដែលគ្របដណ្ដប់លើឧបទ្វីបអ៊ីបេរីមួយភាគធំ។ អេស្ប៉ាញដីគោកគឺស្ថិតនៅក្នុងទ្វីបអឺរ៉ុបចំណែកឯទឹកដីកោះផ្សេងៗគឺមានវត្តមាននៅមហាសមុទ្រអាត្លង់ទិក និងនៅជុំវិញទ្វីបអាហ្វ្រិក។ អេស្ប៉ាញដីគោកមានព្រំប្រទល់ជាប់នឹងរដ្ឋគីប្រាល់តានៅចុងភាគខាងត្បូង សមុទ្រមេឌីទែរ៉ានេនៅភាគខាងត្បូងនិងកើត ប្រទេសបារាំងនិងអង់ដូរ៉ានៅភាគខាងជើង និងប្រទេសព័រទុយកាល់និងមហាសមុទ្រអាត្លង់ទិកនៅភាគខាងលិច។ ប្រទេសអឺរ៉ុបមួយនេះធ្លាប់ជាមហាអំណាចមួយខាងអាណានិគម និងជាមហាអំណាចសេដ្ឋកិច្ច និងយោធាដ៏ធំមួយលើពិភពលោកផងដែរ។ ប៉ុន្តែ ឥទ្ធិពលរបស់ប្រទេសនេះបានចាប់ផ្ដើមធ្លាក់ចុះចាប់ពីពេលដែលខ្លួនបានបាត់បង់អាណាខេត្រនិគមរបស់ខ្លួនមកពោលគឺចាប់ពីសតវត្សរ៍ទី១៩។
នៅភាគខាងជើងប្រទេស មានជួរភ្នំពីរ៉េណេដែលជាព្រំដែនធម្មជាតិជាមួយប្រទេសបារាំង អង់ដូរ៉ា និងឈូងសមុទ្រហ្កាស្កូញ។...អានបន្ថែម
ប្រទេសអេស្ប៉ាញ (ភាសាអេស្ប៉ាញ៖ España) ដោយមានឈ្មោះជាផ្លូវការថា ព្រះរាជាណាចក្រអេស្ប៉ាញ (Reino de España) គឺជាប្រទេសមួយស្ថិតនៅប៉ែកអឺរ៉ុបខាងត្បូង និងតាមនិយមន័យភូមិសាស្ត្រទូទៅ គឺស្ថិតនៅភាគខាងលិចនៃទ្វីបអឺរ៉ុបដែលគ្របដណ្ដប់លើឧបទ្វីបអ៊ីបេរីមួយភាគធំ។ អេស្ប៉ាញដីគោកគឺស្ថិតនៅក្នុងទ្វីបអឺរ៉ុបចំណែកឯទឹកដីកោះផ្សេងៗគឺមានវត្តមាននៅមហាសមុទ្រអាត្លង់ទិក និងនៅជុំវិញទ្វីបអាហ្វ្រិក។ អេស្ប៉ាញដីគោកមានព្រំប្រទល់ជាប់នឹងរដ្ឋគីប្រាល់តានៅចុងភាគខាងត្បូង សមុទ្រមេឌីទែរ៉ានេនៅភាគខាងត្បូងនិងកើត ប្រទេសបារាំងនិងអង់ដូរ៉ានៅភាគខាងជើង និងប្រទេសព័រទុយកាល់និងមហាសមុទ្រអាត្លង់ទិកនៅភាគខាងលិច។ ប្រទេសអឺរ៉ុបមួយនេះធ្លាប់ជាមហាអំណាចមួយខាងអាណានិគម និងជាមហាអំណាចសេដ្ឋកិច្ច និងយោធាដ៏ធំមួយលើពិភពលោកផងដែរ។ ប៉ុន្តែ ឥទ្ធិពលរបស់ប្រទេសនេះបានចាប់ផ្ដើមធ្លាក់ចុះចាប់ពីពេលដែលខ្លួនបានបាត់បង់អាណាខេត្រនិគមរបស់ខ្លួនមកពោលគឺចាប់ពីសតវត្សរ៍ទី១៩។
នៅភាគខាងជើងប្រទេស មានជួរភ្នំពីរ៉េណេដែលជាព្រំដែនធម្មជាតិជាមួយប្រទេសបារាំង អង់ដូរ៉ា និងឈូងសមុទ្រហ្កាស្កូញ។ ដែនដីអេស្ប៉ាញបូករួមបញ្ចូលផងដែរទាំងកោះបាឡេអារក្នុងសមុទ្រម៉េឌីទែរ៉ានេ កោះកាណារីក្នុងមហាសមុទ្រអាត្លង់ទិចនៅក្បែរច្រាំងសមុទ្រខាងទ្វីបអាព្រិច និងក្រុងស្វយ័តនៅទ្វីបអាព្រិចខាងជើង សឺតា និងមឺលីឡា ដែលនៅជាប់នឹងប្រទេសម៉ារ៉ុក។ បន្ទាប់ពីប្រទេសបារាំង អេស្ប៉ាញគឺប្រទេសធំទូលាយជាគេនៅអឺរ៉ុបភាគខាងលិចនិងនៅសហគមន៍អឺរ៉ុបជាមួយនឹងផ្ទៃដីទំហំ ៥០៥,៩៩០ គីឡូម៉ែត្រការ៉េ ។
