Xochicalco

( შოჩიკალკო )

Description

შოჩიკალკო (ესპ. Xochicalco) — კოლუმბამდელი არქეოლოგიური ძეგლი მექსიკაში. მდებარეობს ქვეყნის დასავლეთ ნაწილში, მორელოსის შტატში. სახელწოდება ნაუატლზე (აცტეკების ენა) ნიშნავს „ყვავილების სახლში“. მეხიკოდან დაშორებულია 76 მილით. შოჩიკალკომ თავის განვითარების აპოგეას მიაღწია ტეოტიუაკანის დაცემის შემდეგ და არსებობს კიდეც მოსაზრება, რომ ტეოტიუაკანის იმპერიის დაცემაში ამ ქალაქს დიდი წვლილი მიუძღვის.

შოჩიკალკოს არქიტექტურა და იკონოგრაფია წააგავს მაიას, ტეოტიუაკანის და მატლაცინკას კულტურის არქიტექტურასა და იკონოგრაფიას. მთავარი საცერემონიო ცენტრი დგას ხელოვნურად გაკეთებულ გორაკზე. გორაკის დამრეცები დატერასებულია. ამ ტერიტორიაზე პირველი დასახლება გაჩნდა ძვ. წ. 200 წელს, მაგრამ მნიშვნელოვან დასახლებულ პუნქტად იგი მხოლოდ ჩვ. წ. 700-900 წლებში იქცა. აქ არსებული არქიტექტურაც სწორედ ამ პერიოდს განეკუთვნება. განვითარების პიკის პერიოდში, ქალაქის მოსახლეობა შეადგენდა 20 000 ადამიანს.

1999 წელს იუნესკომ შოჩიკალკო მსოფლიო მემკვიდრეობის სიაში შეიტანა. ...დაწვრილებით

1999 წელს იუნესკომ შოჩიკალკო მსოფლიო მემკვიდრეობის სიაში შეიტანა. იგი ტურისტებისთვის ღიაა და აქვე მოქმედებს საკმაოდ მდიდარი მუზეუმიც.