შოჩიმილკო (ესპ. Xochimilco) — მექსიკის დედაქალაქ მეხიკოს 16 რაიონიდან ერთ–ერთი, მდებარეობს ქალაქის ცენტრიდან 18 კილომეტრის დაშორებით, ჩრდილოეთით მას ესაზღვრება კოიოკანის, ტლალპანის და იცტალპალის, დასავლეთიდან — ტლახუაკის, სამხრეთ–დასავლეთიდან — მილპა-ალტას რაიონები. რაიონის ფართობია 122 კმ², იგი ფართობით მესამეა მეხიკოს რაიონებს შორის.

შოჩიმილკო მთელ მსოფლიოში ცნობილია აცტეკების არხებით. იგი ერთ-ერთი საყვარელი ადგილია ტურისტებისათვის. 1987 წელს შოჩიმილკოს არხები შეიტანეს იუნესკოს მსოფლიო მემკვიდრეობის ძეგლების სიაში.