სამარყანდი (უზბეკ. Samarqand / Самарқанд; სპარს. سمرقند) — უზბეკეთის სიდიდით მეორე ქალაქი და სამარყანდის ოლქის ადმინისტრაციული ცენტრი. ისტორიულად ცნობილია, მისი ცენტრალური პოზიციით აბრეშუმის გზაზე ჩინეთსა და დასავლეთს შორის, ასევე სამეცნიერო სწავლების ისლამური ცენტრის სახით. ქალაქის ყველაზე გამორჩეული ღირსშესანიშნაობა ბიბი-ხანიმის მეჩეთია. მდებარეობს ზღვის დონიდან 702 მეტრზე. 2001 წელს იუნესკომ 2750 წლის ქალაქი მსოფლიო კულტურული მეკვიდრეობის ძეგლთა სიაში შეიტანა, როგორც „სამარყანდი - კულტურათა გზაჯვარედინი“.