კებრადა-დე-უმაუაკა (ესპ. Quebrada de Humahuaca) – თვალწარმტაცი ხეობა ჩრდილოეთ-დასავლეთ არგენტინაში, ხუხუის პროვინციაში, ბუენოს-აირესიდან 1649 კმ-ზე. უმაუაკის ხეობა გადაჭიმულია 155 კილომეტრზე ჩრდილოეთიდან სამხრეთისაკენ და მდებარეობს ზღვის დონიდან 2000 მეტრზე.

სახელწოდება მიღებულია პატარა ქალაქ უმაუაკადან (Humahuaca). ხეობაში მიედინება მდინარე რიო-გრანდე, რომელიც ზაფხულში გაცილებით უფრო წყალუხვია ვიდრე ზამთარში, რაც დაკავშირებულია ადგილობრივი კლიმატის თავისებურებებზე.

ხეობა მდებარეობს ამ რეგიონის ეკონომიკური და კულტურული კავშირების გზაგასაყარზე. ეს ხეობა უძველესი დროიდანაა დასახლებული. შუა საუკუნეებში ინკების იმპერიის საქარავნო გზები სწორედ აქ გადიოდა. ხეობაში მიმდინარეობდა ყველაზე დიდი ბრძოლები არგენტინის დამოუკიდებლობისათვის.

2003 წელს შეიტანეს იუნესკოს მსოფლიო მემკვიდრეობის ძეგლების სიაში.