Տիրանայի ժամացույցի աշտարակ (ալբ․՝ Kulla e Sahatit), կառուցվել է 1822 թվականին Տիրանայում, Հաջի Էթհեմ Բեյի կողմից, ով կառուցել է նաև Էթհեմ Բեյի մզկիթը։ Ունի նորաձև ոլորապտույտ 90 աստիճաններից բաղկացած սանդուղք։ Բարձրությունը 35 մետր է, համարվել է Տիրանայի 1800-ական թթ. ամենաբարձր շինությունը։
Ժամացույցի աշտարակը ունեցել է Վենետիկից բերված զանգ, որը ղողանջել է յուրաքանչյուր ժամը մեկ։ 1928 թվականին Տիրանայի քաղաքապետարանն այն փոխարինեց Գերմանիայից գնված նոր զանգով[1]։ Երկրորդ համաշխարհային պատերազմի ժամանակ ժամացույցը վնասվեց և 1976 թվականին փոխարինվեց Ալբանիայի Շկոդերի եկեղեցու նոր հռոմեական թվականներով ժամացույցով[1]։ 1970 թվականին հռոմեական թվականներով ժամացույցին փոխարինեց չինական ժամացույցը։ 1981 և 1999 թվականներին կատարվեցին աշտարակի վերանորոգման աշխատանքներ։ 1996 թվականից աշտարակի ձեղնահարկի մուտքը դարձավ անվճար[1]։
2010 թվականին Տիրանայի քաղաքապետարանը տուրիստների համար իրականացրեց վերանորոգման աշխատանքներ[1]։
Ավելացնել նոր մեկնաբանություն