مكناس
( Մեկնես )Մեկնես (արաբ․՝ مكناس), Մարոկկոյի չորս կայսերական քաղաքներից մեկը, որը գտնվում է երկրի հյուսիսային հատվածում։ Համարվում է թագավորության վեցերորդ խոշորագույն քաղաքը՝ ըստ բնակչության։
Քաղաքի հին թաղամասն ընդգրկված է Մարոկկոյում ՅՈւՆԵՍԿՕ-ի Համաշխարհային ժառանգության օբյեկտների ցանկում։ Տեղակայված է մայրաքաղաք Ռաբաթից 130, իսկ Ֆեսից՝ 60 կմ հեռավորության վրա։
Քաղաքի տեղանքում բնակչություն հաստատվել է 8-րդ դարում, որից հետո բնակավայրը հայտնի է դարձել Կասբա անվանումով (حصن, արաբերենից թարգմանաբար նշանակում է ամրոց)։ Բերբերական ցեղերը քաղաքը կոչել են Միկնասա և այնտեղ բնակություն հաստատել 10-րդ դարում։ Մեկնեսը առավել հայտնի է դարձել 11-12-րդ դարերում՝ Ալ-Մորավիների պետության օրոք։
1673 թվականին Իսմայիլ իբն Շերիֆը Մեկնեսը դարձրել է իր թագավորության մայրաքաղաքը։ Նրա մահից հետո՝ 1727 թվականին, քաղաքը կորցրել է իր նշանակությունը և մայրաքաղաքից վերածվել է շարքային քաղաքի։
1911 թվականին քաղաքը գրավվել է ֆրանսիական զորքերի կողմից, որից հետո դարձել Մարոկկոյի ֆրանսիական պրոտեկտորատի մաս։ Եվրոպացիների գերիշխանության տարիներին քաղաքից առանձնացվել է հին թաղամասը, որը հետագայում դարձել է ՅՈւՆԵՍԿՕ-ի Համաշխարհային ժառանգության օբյեկտ։
2010 թվականի փետրվարի 19-ին քաղաքի հին թաղամասում գտնվող Բաբ Բերդայինի մզկիթում ուրբաթօրյա նամազի ժամանակ տեղի է ունեցել զինված հարձակում, որի արդյունքում զոհվել է 41 մարդ։
Ավելացնել նոր մեկնաբանություն