Vinicunca ou Winicunca, chamada tamén Montaña de Sete Cores, Montaña Arco da Vella ou Montaña de Cores (os poboadores chámanlle Cerro Colorado) é unha montaña do Perú cunha altitude de 5.200 msnm e débelle a súa incrible coloración á riqueza de minerais que alberga o seu chan. Está situada no camiño ó Nevado Ausangate, nos Andes do Perú, na rexión Cuzco, provincia de Quispicanchis. Nos últimos anos comezou un proceso de masificación turística.