O Retrato de Adele Bloch-Bauer I, tamén coñecida como A dama dourada ou A dama de ouro (en inglés: The woman in gold), é unha pintura de Gustav Klimt completada en 1907. De acordo con informes xornalísticos, foi vendida por 135 millóns de dólares estadounidenses a Ronald Lauder, propietario da Neue Galerie en Nova York, en xuño de 2006, o que a converteu nese momento na segunda pintura de maior valor de todo o mundo. A obra exhíbese na Neue Galerie dende xullo do mesmo ano.