Taksila

Description

Taksila edo Taxila (sanskritoz: तक्षशिला, Takṣaśilā; urduz: تکششیلا‎), Indiar penintsulako ipar-mendebaleko antzinako hiria zen, gaur egungo Pakistango Rawalpindi hiritik hurbil zegoena.

Antzina, hantxe egiten zuten bat Asiako mendebaleko eta Indiako ekialdeko bide nagusiek, eta oparotasun handia ekarri zion horrek. Budisten ikasketa-gune nagusietako bat izan zen K.a. V. mendetik K.o. II. mendera arte. Alexandro Handiaren garaiko monumentu asko ditu hiriak, erresuma indo-greziarreko hiri nagusietako bat izan zelarik.

K. A. 110. urtearen inguruan, Taksilako errege Antialkidasek bidalia, Heliodoro izeneko enbaxadore batek 1.200 kilometrora zegoen Shunga dinastiako Bhagabhadra erregea bisitatu zuen, Heliodororen zutarrian jasoa dagoenez.

Taksila Hunoek suntsitu zuten V. mendean.