Carl Jacobsenek (J.C. Jacobsenen semeak) bultzatu zuen 1909an eskultura ezartzea. Izan ere Danimarkako Errege Antzokian ipuinaren inguruan egindako balletak liluratu egin baitzuen. Edvard Eriksen eskultoreak egin zuen brontzezko eskultura 1913ko abuztuaren 23an inauguratu zen. Modeloa Price dantzari famatua izan behar zen baina honek ez zuen bere gorputz biluzia egiterik nahi eta aurpegia berea bada ere gorputza egiteko eskultorearen emaztea erabili zuen eredu gisa.