Quebrada de Humahuaca Argentinako ipar-mendebaldean dagoen Jujuyko probintzian kokatutako ibar menditsu, estu eta agorra da, Grande de Jujuy ibaiak zeharkatzen duena. Iparralde-hegoalderako norabidea dauka, eta 155 km luzeko korridore naturala eratzen du. Iparralde eta mendebaldean Altiplanoa dauka, ekialdean Andeen adarrak eta haran epelak hegoaldean. 10.000 urtetan zehar merkataritza bide garrantzitsua izan zen eta, besteak beste, historiaurreko ehiztari-biltzaileen, Inka Inperioaren (XV.-XVI. mendeak) eta Independentzia Gerraren aztarnak daude. Hori dela eta, 2003an Unescok Gizateriaren Ondare izendatu zuen.