Castelo de Óbidos
( Óbidosko gaztelua )Latinezko oppidum (zitadela) hitzetik eratorria dela uste da, izan ere herriko lehen gotorlekua erromatarrek eraiki baitzuten, gaur egun dagoen muinoaren oinean. Erromatarren garaian ordea Eburobrittium izena izan zuen.
V. mendean bisigodoak iristean hiria bertan behera utzi zen eta berria altxatu zen muinoaren gainean, toki babestuagoa baita. Bertatik inguruko lautadaren ikuspegi itzela dago. 713 urtean mairuek gotortu egin zuten ingurua eta 1148an Afonso Henriquesek konkistatu zuenean Estremadura probintzia erabat eskuratu zuen Portugalgo Erresumak.
XIII. eta XIV. mendeen artean Dionisio I.a Portugalgoak gaztelua eta harresiak berriztu zituen. Kareharri eta marmolezko egiturak gotortu zituen. Fernando I.ak dorre nagusia eraiki zuen XIV. mendearen bukaeran.
2007an Portugalgo zazpi monumentu miragarrien zerrendan sartu zuten.
Gehitu iruzkin berria