Jokhange Tenplua edo Jokhang Monasterioa, Tibeteko hiriburu den Lhasan dagoen tenplu budistarik ospetsuena da. Hiriko gune izpirituala da, eta, beharbada, bere atrakzio turistikorik ospetsuena. UNESCOk, Gizateriaren Ondare bezala izendatua du, Potala Jauregia eta Norbulingka Jauregiarekin batera.

Tenplua, Songtsen Gampo erregeak eraiki zuen, ziur asko 642an. Jatorrian, bere izena, Rasa Tulnang Tsuklakang. Bhirututi zein Wenchengek, erregearen emazte nepaldarra eta txinatarra, ezkonsari bezala, tenplu honetan jarriak izan ziren irudi budista ugari eman zituzten. Jokhang, Ramoche tenpluarekin batera, hirian eraikitako lehenetako bat da, baita gurtuenetako bat ere, Joworen irudi bat baitu, Buda gaztea, esaten denez, Siddhartha Gautama bizi zela zizelkatua izan zena.

Lau solairuko eraikin bat da, urreztaturiko brontzezko azulejuekin estalitako teilatuekin. Arkitektura estiloa, Indiako vihara diseinuan oinarritua dago, beranduago, estilo nepaldarra eta Tang dinastiaren estiloaren arteko nahasketa batean bihurtu zena. Teilatuan, dharma gurpil baten alboan dauden bi urrezko oreinen estatua batzuk aurkitzen deira.

Tenpluaren multzoak, aldare eta apaindutako gela ugari ditu. Tenpluko eraikinen gela nagusian dago aipaturiko Joworen irudia. Songtsan Gampo erregearen irudiak ere badaude, baita honen bi emazteenak ere. Iraultza Kulturalean, eskultura hauetako asko suntsitu ziren, batzuetan, jatorrizko estatuen apurtutako zatiak erabiliz berreraiki direnak.

Tenpluaren aurrean, Jowo Utra (Joworen ilea) izeneko sahats batzuk eta txinatarrek 1793an, nafarreri izurrite batean zehar eraikitako zutabe bat dituen itxitako gune bat dago. Bertan, 822an sinatutako sino-tibetar hitzarmena grabatua dago, Ralpacan enperadoreak betearazitakoa. Testuan, nafarreriaz kutsatzea eragozteko garbitasun neurri batzuk adierazten dira.