Fougèresko gaztelua (bretainieraz: Kastell Felger, frantsesez: Château de Fougères) Bretainiako Fougères hirian dagoen gaztelu bat da. Europako gaztelu handienetakoa da. 1862an Frantziako monumentu historiko izendatu zuten.
Fougèresko gaztelua X mendean aipatzen da lehen aldiz, Amboiseko Etxeak eraiki zuena. Nançon ibaiaren gainean harkaitz batean estrategikoki kokaturiko egurrezko gotorleku txiki bat baino ez zen.
Bretainiako mugan egonik 1166an Henrike II.a Ingalaterrakoak erasotu eta gotorlekua suntsitu zuen. Raul II.a Bretainiakoak orduan gaztelu handi bat eraiki zuen. Raul II.ak bere astoak ekarri zituen etagaur egun oraindik astoak ikus daitezke gaztelu barneko zelaietan.
1449an Ehun Urteetako Gerran mertzenario ingeles batek eskuratu zuen sorpresaz gaztelua. 1488an setio baten ondoren berreskuratu zuten frantsesek. Bretainiak eta Frantziak bat egiterakoan bere garrantzia militarra galdu egin zuen.
1820 urtean Pommeureul familiak erosi zuen eta 1892an udaletxeari saldu zion.
Gehitu iruzkin berria