Pontoko greziarrak (grezieraz: Πόντιοι, Ελληνοπόντιοι, Póntioi, Ellinopóntioi; turkieraz: Pontus Rumları, Karadeniz Rumları, georgieraz: პონტოელი ბერძნები, P’ont’oeli Berdznebi), Ponton jatorria duen greziar talde etnikoa da. 1461eko Trebizondako Inperioaren gainbeheretik 1828-1829ko Erruso-turkiar Gerrara arte, Otomandar Inperioaren garaian, ipar-ekialdeko Anatoliatik ekialderantz migratu ziren, Transkaukasia aldera. Azken mendeetan, inguruko herrialdeetako kultura-asimilazioak eta akulturazioak bere kopurua gutxitu du, batez ere, greziar genozidioa eta gero.

Pontoko greziarrek greziar arbasoak dituzte eta Pontoko grezieraz egiten dute, urrutiko eskualdea izanda, greziera modernoez bestelako garapena izan duen koiné bat dena.