Mali Fuxhi (Japonisht: 富士山, Fujisan), është mali më i lartë në Japoni me 3776 metra lartësi e që gjendet në pjesën qendrore të ujdhesës Honshū të Japonisë. Fuxhi është edhe vullkan aktiv i cili për herë të fundit ka shpërthyer nga viti 1707 deri më 1708.

Fuxhi gjendet në prefekturën Shizouka, disa qindra kilometra në perendim të Tokios. Koni jashtëzakonisht simetrik i malit Fuxhi, i cili është i mbuluar me dëborë për rreth 5 muaj të vitit, zakonisht përdoret si një ikonë kulturore e Japonisë dhe shpesh përshkruhet në shumë arte dhe fotografi, si dhe vizitohet nga shikuesit dhe alpinistët.

Mali Fuxhi është një nga "Tre Male të Shenjta" të Japonisë (三 霊 山, Sanreizan) së bashku me Malin Tate dhe Haku. Ajo u shtua në listën e trashëgimisë botërore si një vend kulturor më 22 qershor 2013. Sipas [[UNESCO], mali Fuji ka "frymëzuar artistë dhe poetë dhe ka qenë objekt i pelegrinazhit me shekuj".