ဂျင်ဂစ်ခန်ရုပ်တုအဆောက်အအုံသည် မွန်ဂိုးလီးယားနိုင်ငံ မြို့တော် အူလန်ဘာတာမြို့၏ အရှေ့ဘက် ၅၄ ကီလိုမီတာအကွာရှိ တုလ်လွန်မြစ်ကမ်းနားဘေးတွင် တည်ရှိသည်။ မြင်း၏ကျောကုန်းပေါ်တွင် ဂျင်ဂစ်ခန် ထိုင် နေသောပုံစံဖြင့် အရှည် မီတာ၄၀ ရှိ ရုပ်တု ထုလုပ်ထားခြင်း ဖြစ်သည်။ ဒဏ္ဍာရီသမိုင်းများအရ ဂျင်ဂစ်ခန်သည် ရွှေကျာပွတ်ကို ရှာဖွေတွေ့ရှိခဲ့သောနေရာဖြစ်သည်။

အဆိုပါရုပ်တုကို ဂျင်ဂစ်ခန်၏ မွေးရပ်ဇာတိရှိရာ အရှေ့အရပ်ဆီသို့ ညွှန်ပြသည့်အနေအထားဖြင့် တည်ဆောက် ထားပြီး ရုပ်တုအောက်ခြေတွင် ဂျင်ဂစ်ခန်မှ လစ်ဒန်ခန်အထိ ခေတ်ပေါင်း ၃၆ခေတ်ကို ကိုယ်စားပြုသည့် (၁၀)မီ တာအမြင့်ရှိ စာတိုင်ပေါင်း ၃၆တိုင်ဖြင့် (၂၀ဝ၈)ခုနှစ်တွင် ဖွဲ့စည်းတည်ဆောက်ခဲ့ပြီး (၂၀၁၀)ခုနှစ်တွင် ပြီးစီးခဲ့ သည်။

အဆိုပါရုပ်တု၏ မြင်းဦးခေါင်းပိုင်းမှစတင်ကာ လည်ပင်းနှင့် ရင်ပတ်ပိုင်းတစ်လျှောက်မှနေပြီး မွန်ဂိုးလီးယားဒေသ ၏ ရေမြေရှုမျှော်ခင်းအလှကို မြင်ကွင်းကျယ် ကြည့်ရှုနိုင်ရန် စီစဉ်ထားသည်။ ရုပ်တုတည်ရှိရာ ဧရိယာ အ နောက်ဘက် မြေဧက ၅၂၀ ပေါ်တွင် ကမ္ဘာလှည့်ခရီးသွားများ အနားယူအပန်းဖြေနိုင်ရန် မွန်ဂိုးလီးယားရွက်ဖျင် တဲစခန်း ၂၀ဝ ပါဝင်သည့် အပန်းဖြေစခန်းတစ်ခုကိုလည်း ထည့်သွင်းတည်ဆောက်ထားသည်။

ထို့ပြင် ဂျင်ဂစ်ခန်ရုပ်တုနှင့် တွဲဖက်ပြီး ရှေးဟောင်းသုတေသနဆိုင်ရာ မွန်ဂိုးလီးယားလူမျိုးတို့၏ ယဉ်ကျေးမှု လက်ရာများဖြစ်သည့် နေ့စဉ်အသုံးအဆောင်ပစ္စည်းများ ပြခန်းနှင့် ကြီးမြတ်သောခန်ခေတ်ဖြစ်သည့် ၁၃ရာစုနှင့် ၁၄ရာစုကာလများအတွင်း အသုံးပြုခဲ့သည့် ရှေးဟောင်းရွှေထည်လက်ရာပစ္စည်းများကိုလည်း ပြသထားသည်။