တာဂျစ်ကစ္စတန်နိုင်ငံ၏ တရားဝင် အမည်မှာ တာဂျစ်ကစ္စတန်သမ္မတနိုင်ငံ ဖြစ်ပြီး အာရှအလယ်ပိုင်းတွင် ရှိသော တောင်ထူထပ်သည့် ကုန်းတွင်းပိတ်နိုင်ငံ တစ်ခု ဖြစ်သည်။ တောင်ဘက်တွင် အာဖဂန်နစ္စတန်နိုင်ငံ၊ အနောက်ဘက်တွင် ဥဇဘက်ကစ္စတန်နိုင်ငံ၊ မြောက်ဘက်တွင် ကာဂျစ္စတန်နိုင်ငံ နှင့် အရှေ့ဘက်တွင် တရုတ်ပြည်သူ့သမ္မတနိုင်ငံ တို့ ရှိကြသည်။

တာဂျစ်ကစ္စတန်နိုင်ငံ၏ လူဦးရေ အများစုမှာ ပါရှန်းစကားပြောကြသော တာဂျစ် လူမျိုးများ ဖြစ်ကြပြီး အာဖဂန်နစ္စတန်နိုင်ငံ၊ အီရန်နိုင်ငံ၊ ပါကစ္စတန်နိုင်ငံ တို့နှင့် ဘာသာစကား၊ ယဉ်ကျေးမှုနှင့် သမိုင်းကြောင်း မြစ်ဖျားခံရာ တူညီကြသည်။ တစ်ချိန်က ဆမာနစ်အင်ပိုင်ယာ၏ တစိတ်တဒေသဖြစ်ခဲ့ပြီး ၂၀ ရာစု အတွင်းက ဆိုဗီယက်ပြည်ထောင်စုတွင် ပါဝင်သော နိုင်ငံ တစ်နိုင်ငံ ဖြစ်ခဲ့သည်။ ထိုစဉ်က တာဂျစ်ဆိုဗီယက် ဆိုရှယ်လစ် သမ္မတနိုင်ငံဟု ခေါ်ဆိုခဲ့ကြသည်။ တောင်ကုန်းများက နိုင်ငံ၏ ၉၀ ရာခိုင်နှုန်းမျှ ရှိကြသည်။