ပါလက်စတိုင်းနိုင်ငံသည် ၁၉၈၈ ခုနှစ် နိုဝင်ဘာ ၁၅ ရက်နေ့တွင် ပါလက်စတိုင်း လွတ်မြောက်ရေး အဖွဲ့ (ပီအယ်လ်အို) အမျိုးသားကောင်စီမှ ပြည်ပရောက် အုပ်ချုပ်သူများက ပါလက်စတိုင်း လွတ်လပ်ရေး ကြေညာစာတမ်းဖြင့် ကြေညာခဲ့သော နိုင်ငံဖြစ်သည်။ ၁၉၈၈ ခု နိုင်ငံအဖြစ် ကြေညာခဲ့သော အချိန်က ပီအယ်လ်အို အနေနှင့် မည်သည့်နယ်မြေကိုမှ ထိန်းသိမ်းထားခြင်း မရှိဘဲ အစ္စရေးတို့ သိမ်းပိုက်ထားသော နယ်မြေများ အပေါ်တွင် လွတ်လပ်ရေး ကြေညာခဲ့ခြင်း ဖြစ်ပြီး ဂျေရုဆလင်အား စစ်သွေးကြွအစ္စရေးတို့ ထိန်းချုပ်ထားသော်လည်း ပါလက်စတိုင်း၏ မြို့တော် အဖြစ် ကြေညာခဲ့သည်။